A Garda Civil sorprendeu a un condutor novel circulando a 150 km/h nun tramo da estrada N-550 limitado a 60.

Os feitos, informan fontes do Instituto Armado, tiveron lugar na madrugada do pasado domingo, cando un radar móbil detectou ao turismo á altura do quilómetro 128,100 da mencionada vía, en sentido A Coruña.

O condutor era un veciño de Vilaboa de 18 anos, con iniciais M.G.B., que obtivo o permiso de conducir o pasado mes de marzo. O home foi citado para xuízo rápido o próximo día 29 no xulgado de instrución número un de Cangas, acusado dun delito contra a seguridade viaria.