A Coruña 101.90 FM
Santiago de Compostela 101.80 FM
Ourense 100.1 FM
Máx: 26º
Min: 14º
Vigo 91.1 FM
Máx: 23º
Min: 18º
Bergantiños 107.90 FM
Ferrol 101.90 FM
Máx: 21º
Min: 15º
Lugo 107.60 FM
Máx: 21º
Min: 15º
Arzúa-Ulloa 97.70 FM
Porto do Son 107.40 FM
Ferido un bebé nunha colisión producida en Castro de Rei

Ferido un bebé nunha colisión producida en Castro de Rei

08:25, 15/01/2018

Por David Expósito

O irmán e a nai do pequeno, veciños de Castro de Rei, foron atendidos en urxencias no hospital Lucus Augusti

Un bebé de oito meses tivo que ser derivado na tarde deste sábado a un centro hospitalario da Coruña, logo de ser atendido na Uci do Hula, tras resultar ferido de gravidade nunha colisión frontolateral entre dous vehículos, ocorrida minutos antes da unha e media da tarde na estrada LU-113, á altura da parroquia de Duarría, en Castro de Rei. No sinistro, que causou unha gran conmoción, tamén resultaron feridos o seu irmán, de cinco anos, que viaxaba xunto a el no asiento traseiro, e a súa nai, P.P.R., de 26 anos, que era quen conducía o coche.

Varios condutores e veciños apuráronse a prestar auxilio ás vítimas, veciñas da zona. Os primeiros en chegar sacaron aos nenos do coche, percatándose de que o bebé estaba inconsciente, o que provocou un gran nerviosismo entre os presentes, que chegaron a temer pola vida do menor.

Foi un veciño de Castro que tamén se achegou a axudar, e a quen lle solicitaba axuda a muller que naquel momento suxeitaba ao bebé no colo, quen optou por refuxiar ao pequeno no seu propio vehículo e lle prestou os primeiros auxilios, logrando que este reaccionase e comezase a chorar.

O accidente no que o outro condutor implicado resultou ileso, produciuse na estrada LU-113, onde foi necesario regular o tráfico
Finalmente, e logo de ser valorado no lugar do sinistro polos sanitarios mobilizados polo servizo do 061, o neno foi trasladado ao hospital Lucus Augusti na Uvi móbil, onde ingresou na Unidade de Coidados Intensivos para avaliar o alcance das súas lesións.

O seu irmán e a súa nai tamén foron evacuados en ambulancia asistencial ao Hula, onde a muller recibía a alta ao longo da tarde, mentres que o fillo maior permanecía en urxencias.

Por outra parte, o condutor e único ocupante do outro turismo implicado neste grave sinistro, un mozo lugués con raíces familiares no municipio, resultou ileso.

Para prestarlles asistencia aos feridos a central de emerxencias do 112 mobilizou tres ambulancias -dúas asistenciais e a Uvi móbil- ata o lugar do accidente, así coma persoal médico do PAC de Outeiro de Rei.

Os automóbiles, un Fiat Punto —no que viaxaba a familia— e un Peugeot 205, foron parar a ambas marxes da estrada logo do forte impacto, rexistrado á altura do quilómetro 3,5 da estrada LU-113, que une Rozas con Abadín.

Axentes do subsector de Tráfico de Lugo tiveron que regular a circulación rodada durante o tempo que duraron tanto os labores de atención aos feridos como os traballos de limpeza da vía, habilitando un único carril polo medio da estrada.

Una joven ha muerto esta tarde arrollada por un tren en Vilaboa

Una joven ha muerto esta tarde arrollada por un tren en Vilaboa

21:35, 11/07/2017

Por David Expósito

Una nota de despedida apareció en el coche de la fall...

La Policía investiga la desaparición de Manuel Rodríguez en Coruña

La Policía investiga la desaparición de Manuel Rodríguez en Coruña

08:02, 06/03/2017

Por David Expósito

Se le perdió la pista tras salir de una discoteca La ...

Ferida grave unha moza de 16 anos nun accidente en Lalín

Ferida grave unha moza de 16 anos nun accidente en Lalín

13:22, 14/03/2017

Por David Expósito

A vítima foi trasladada en helicóptero ao Hosp...

Aparece muerto el actor Mateo González en La Marina de A Coruña

Aparece muerto el actor Mateo González en La Marina de A Coruña

20:17, 31/03/2017

Por David Expósito

Los GEAS de la Guardia Civil localizaron esta tarde un cad&a...

Espectacular accidente de un camión de leche en A Golada

Espectacular accidente de un camión de leche en A Golada

13:17, 22/03/2017

Por David Expósito

Un camión ha volcado en la carretera que une Larazao ...

Se comenta

¿Qué se cuece en la red?