"Ardendo" é o single presentación do novo EP que sairá en outubro deste mesmo ano e que levará o nome de "Habitat". É unha volta ao son pop-rock pero, sobre todo , é unha volta a casa, ao fogar , ao meu hábitat. Dende a publicación de "Secretos perdidos" (outubro de 2014) pasaron varios acontecementos persoais e laborais que me fixeron valorar máis ao entorno e a tódolos que de verdade me acompañan no día a día. "Ardendo" é un tema canalla que fala sobre a fogosidade da atracción. Corresponde co primeiro momento no que te sentes atraído por alguén e, esa persoa , non acaba de dicir se sinte o mesmo ou non.

Todos os temas  de "Habitat", incluído este, están compostos en letra e música por Martín Máez, e será un traballo autoproducido ao 100%, con arranxos de Quico Bea (O Grove) e Celso Madriñán (A Coruña). É Quico Bea o que firma os arranxos deste primeiro corte de presentación.