RESOLUCIÓN do 27 de decembro de 2019, da Secretaría Xeral de Medios, pola que se dá publicidade ao Acordo do Consello da Xunta de Galicia do 26 de decembro de 2019 polo que se resolve o concurso público e se outorgan as licenzas para a prestación do servizo de comunicación audiovisual radiofónica de titularidade privada na Comunidade Autónoma de Galicia.
Adoptado Acordo polo Consello da Xunta de Galicia do 26 de decembro de 2019, relativo ao outorgamento de licenzas para a prestación do servizo de comunicación audiovisual radiofónica de titularidade privada na Comunidade Autónoma de Galicia,

RESOLVO:

Primeiro. Darlle publicidade ao acordo do Consello da Xunta adoptado en sesión do día 26 de decembro de 2019, que figura como anexo á presente resolución.

Segundo. O acordo será notificado aos interesados segundo o previsto na base décimo oitava do concurso público para a outorgamento de licenzas para a prestación do servizo de comunicación audiovisual radiofónica de titularidade privada convocado mediante acordo do Consello da Xunta de Galicia do 30 de xullo de 2018 (DOG núm. 153, do 10 de agosto).

Santiago de Compostela, 27 de decembro de 2019

Mar Sánchez Sierra
Secretaria xeral de Medios

ANEXO

Primeiro. Resolver o concurso e proceder a outorgar as licenzas para a prestación do servizo de comunicación audiovisual radiofónica de titularidade privada, por localidades na Comunidade Autónoma de Galicia, asignándolles as frecuencias e parámetros técnicos que se relacionan na seguinte táboa:

Cariño
101.9    Medios Autonómicos de Radiodifusión Gallegos, S.L.

A estrada
99.9    Radio Popular, S.A.-Cadena Cope